टंक बुढाथोकीको ‘कान्छा कान्छी’ सुनिल र बिनुको रोमान्स (भिडियो)
गायक टंक बुढाथोकीको ‘कान्छा कान्छी’ बोलको गीत सार्वजनिक भएको छ । उनले ‘कान्छा कान्छी’ गीतको भिडियो निर्देशन आफैले गरेका हुन् । तर, उनको यो पहिलो भिडियो निर्देशन भने होइन । उनले यो गीतको भिडियो भन्दा अगाडी ४ वटा गीतको भिडियो निर्देशन गरिसकेका छन् । गीत हेर्नुस् :
गायक बुढाथोकीले गीत बनाउदै गर्दा कन्सेप्ट आउने भएर आफै निर्देशनमा लागेको बताए । उनले भने, ‘गीतको शब्द र धुन बनाउदै गर्दा यसको कन्सेप्ट पनि आउने हँदा आफ्नो गीतमा आफैले अलि अलि गरेको हो । त्यस्तो व्यवसायिक हिसाबले नै मैले निर्देशन सुरु गरेको होइन ।’
शब्द, संगीत तथा आवाज टंक बुढाथोकीकै रहेको सार्वजनिक छ । गायक टंक बुढाथोकीलाई गायिका बुनु उप्रेतीले स्वर दिएर साथ दिएकी छन् ।
मुस्ताङका रमणीय स्थलमा छायांकन गरिएको भिडियोमा सुनिल क्षेत्री र बिनु राउतलाई फिचर गरिएको छ । सुनिल क्षेत्रीको कोरियोग्राफी रहेको गीतको भिडियोमा नवराज उप्रेतीको सिनेमेटोग्राफी र अमृतको सम्पादन रहेको छ ।
