‘ठेकी भित्र मदानी’ मा केकी र विजुको रोमान्स (भिडियो)
गायिका अञ्जु पन्तको स्वरमा ‘ठेकी भित्र मदानी’को बोलको गीतको भिडियो रिलिज गरिएको छ । अञ्जुलाई तिम्रो मनको माझमा, प्रेमको भिखारी र शकां नगर जस्ता सुपरहिट गीतका गायक गगन सरगमले साथ दिएका छन् । केकी अधिकारी र विजु पार्की फिचर्ड गीतको भिडियो हेर्नुस् :
‘म त मर्छु क्यारे’ जस्तो कालजयी गीतका स्रष्टा निम संगीतले सार्वजनिक गीतमा गाउँ घरको लोक शैलीमा अत्यन्त मीठो संगीत र एरेन्ज गरेका छन् । ठेकी, भकारी, बुईकल, मदानी जस्ता ठेट नेपाली शब्दहरुलाई समेटी सञ्चारकर्मी, गायक तथा रचनाकार कपिल कस्पालको शब्द रचना रहेको गीतमा केकी अधिकारीले मोडल विजु पार्कीसँग ठुम्का लगाएकी छन् ।
सुब्रत राज आचार्यले निर्देशन गरेको भिडियोको छायाँकन नवराज उप्रेतीले गरेका हुन् । सुरेश बसेलको कोरियोग्राफी र नविन निरौलाको सम्पादन रहेको छ ।
