गायिका रेखा शाहको जन्मदिनमा ‘पुतली’ सार्वजनिक
गायिका रेखा शाहले माघ २४ गते आफ्नो जन्मदिनको अवसर पारेर नयाँ एल्बम ‘पुतली’को अडियो सिडी लोकार्पण गरेकी छिन् । राजधानीमा एक कार्यक्रम आयोजना गर्दै उनले सिडी एल्बम सार्वजनिक गरेकी हुन् ।
उनले आफ्नो जन्मदिनलाई विशेष बनाउन नयाँ एल्बमको सिडी सार्वजनिक गरेको बताइन् । टप्पा शैलीको नयाँ गीत ‘काठैको पुतली झ्यालझ्यालैमा, जिन्दगी बित्यो ख्यालख्यालैमा, सइ तिमी, पछ्यौरी भिजायो, सइको घर, काँ हो काँ, बाटैमा रैछ घर तिम्रो, तिमीबिना, ए दिदी बैनी हो’ लगायत गीत एल्बममा समावेश छन् । एल्वममा बोनस ट्रयाकको रूपमा ‘सिमसिमे पानीमा’को नयाँ भर्सनलाई पनि समावेश गरिएको छ ।
एल्बमका अधिकांश गीत भूपेन्द्र खड्काले लेखेका छन् भने संगीत हरि लम्साल, राजनराज शिवाकोटी, कमल खत्री र दीपक शर्माको रहेको छ ।
