आदिप जोडीको रिसेप्सनमा को को पुगे (फोटो \ भिडियो)
नायिका आँचल शर्मा फागुन २९ गते बैवाहिक बन्धनमा बाँधिएकी छिन् । उनले प्रेमी डाक्टर उदिप श्रेष्ठसँग विवाह गरेकी हुन् ।
आँचल र उदिपले शनिबार हायात होटलमा रिसेप्सन पार्टी आयोजना गरेका थिए । उनीहरुको पार्टीमा फिल्मकर्मी, उनीहरुका आफन्त, साथीभाई र परिवारको बाक्लो उपस्थिती थियो । उनीहरुको बिहे पार्टीमा नायिकाहरु स्वस्तिमा खड्का, वर्षा राउत, साम्राज्ञी राज्यलक्ष्मी शाह, केकी अधिकारी, रेखा थापा, वर्षा सिवाकोटी, रीमा विश्वकर्मा लगायत उपस्थित थिए ।
त्यस्तै, नायक पुष्प खड्का, संजोग कोइराला, निर्देशक प्रदिप खड्का, निर्देशक शिवहरि पौडेल, निर्देशक दिपाश्री निरौला, किरण केसी, दीपक राज गिरी, केदार घिमिरे पनि पार्टीमा पुगेका थिए । नायक आर्यन सिक्देल आफ्नो परिवारसहित पार्टीमा उपस्थित भएका थिए ।
आदिप जोडीको रिसेप्सनमा प्राय सबै कलाकारले डिजाइनर ड्रेस लगाएका थिए । दीपक राज गिरीले अरु कलाकारलाई आफ्नै लुगा लगाएको भन्दै जिस्काउन भ्याए । उनी पार्टीमा नयाँ फिल्मको लागि नयाँ लुक्स बनाउन लागेको भन्दै सामान्य पोशाकमा पुगेका थिए । उनीहरुले आँचल र उदिपलाई बैवाहिक जीवनको लागि शुभकामना दिए ।
कुशल घतानी फोटोग्राफी
