कनिका कपूरको पाँचौं कोरोना परिक्षण नेगेटिभ
एजेन्सी – बलिउड गायिका कनिका कपूरको पाँचौं कोरोना भाइरस परिक्षण नेगेटिभ आएको छ । उनको यो नतिजा शनिबार आएको हो ।
उनको कोरोना भाइरस टेस्ट नेगेटिभ आएको एनीले टुविटर मार्फत जानकारी दिइएको हो । उक्त टुविट लेखिएको छ, ‘बलिउड गायिका कनिका कपूरको कोभिड–१९ को पाँचौ टेस्ट नेगेटिभ आएको छ । तर उनलाई लखनऊको पीजीआई अस्पतालमै राखिनेछ । उनको एक अर्काे टेस्ट नेगेटिभ आएपछि डिस्चार्ज गरिने छ ।’
उनको लखनऊ स्थित संजय गान्धी पोष्ट ग्र्याज्युएट इन्स्टिच्युट अफ मेडिकल साइन्सेजमा उपचार भैरहेको छ । दुई परिक्षण नेगेटिभ आएपछि मात्र बिरामीलाई डिस्चार्ज गरिने हुनाले उनी अझै केहि समय अस्पतालमै बस्नु पर्नेछ । उनको यो परिक्षण ४८ घण्टा भित्र गरिनेछ ।
‘बेबी डल’ गायिका कनिका कपूर ९ मार्चमा लण्डनबाट मुम्बई फर्किएकी थिइन् । त्यसपछि उनले लखनऊमा डिनर पार्टी राखेकी थिइन् । लापरबाही गरेको भन्दै कनिकाविरुद्ध उत्तर प्रदेशमा ३ वटा उजुरी (एफआइआर) समेत दर्ता भएको भारतिय मिडियाले उल्लेख गरेका छन् ।
