यस्तो छ ‘केजीएफ’मा सञ्जय दत्तको अधिरा लुक्स
एजेन्सी– बलिउड अभिनेता सञ्जय दत्त स्टारर फिल्म ‘केजीएफ– च्याप्टर २’ को फर्स्टलुक पोस्टर रिलिज गरिएको छ । फिल्म युनिटले सञ्जयको जन्मदिनको अवसर पारेर बुधबार पोस्टर सार्वजनिक गरिएको हो ।
सञ्जयले आफ्नो टुविटर मार्फत अधिरा पात्रको लुक्स सार्वजनिक गरेका हुन् । उनले लेखेका छन्, ‘यो फिल्ममा काम गर्न पाउँदा एकदमै खुशी लाग्यो । मैले जन्मदिनको एकदमै राम्रो उपहार पाएको छु । धन्यवाद ।’ उनका साथै केजीएफको पुरै टिमले प्रशंसकलाई धन्यवाद दिएका छन् ।
प्रशान्त नीलले निर्देशन गरेको फिल्म ‘केजीएफ २’ मा सञ्जयका साथै यश, रवीना टन्डन, श्रीनिधि सेट्टी जस्ता कलाकारको अभिनय रहेको छ । कोरोना भाइरसको कारण फिल्मको प्रदर्शन मिति तय गरिएको छैन ।
