प्रकाश सपुतको ‘बदला बरिलै’मा केकीले लिइन् बदला
‘बोल माया’ र ‘गलबन्दी’ जस्ता लोकप्रिय गीत ल्याएका प्रकाश सपुतले बदलाको भाव बोकेको बदला बरिलै बोलको सशक्त गीत ल्याएका छन् । बलात्कार जस्तो जघन्य अपराध गर्ने अपराधीले कुनै पनि रुपमा सजाए पाउने गीतको मुल भाव छ । प्रकाश सपुतको शब्द तथा संगीत रहेको गीतमा देवी घर्ती मगरको स्वर छ । नायिका केकी अधिकारी फिचर्ड भिडियो हेर्नुस् :
प्रकाश सपुत स्वयमको सोच एंव निर्देशन रहेको ‘बदला बरिलै’मा नायिका केकी अधिकारीले जिवन्त अभिनय गरेकी छिन् । कलाकार ध्रुव कोइरालाले बलात्कारीको भूमिका निभाएका छन् । केकी र ध्रुवसँगै भिडियोमा हिउँवाला गौतम, अर्जुन आचार्य, भद्र कुँवर र सन्ध्या गौतम बरालको अभिनय छ । बाल कलाकारको रुपमा ब्रिशा बराल र इजुलिया आचार्य प्रस्तुत छन् ।
भिडियोका अन्त्यमा सर्जक प्रकाश सपुतको स्वरमा न्यारेशन सुन्न सकिन्छ । ‘जसले जघन्य अपराध गर्छ त्यसले कुनै न कुनै रुपमा सजाएँ पाउँछ भन्ने कुरामा विश्वास लाग्छ’, सपुत भन्छन् ।
