ट्रेण्डिङ्ग १ मा पल, सुधिर, सुनिशा र उषाको ‘माया गरौंला’
पल शाह, सुधिर श्रेष्ठ, सुनिशा बजगाईं र उषा उप्रेती फिचर्ड ‘माया गरौंला’ बोलको गीत युट्यब ट्रेण्डिङ्गको पहिलो नम्बरमा आएको छ । एक सातादेखि ट्रेण्डिङ्ग पहिलो नम्बरमा रहेको प्रकाश सपुतको ‘बदला बरिलै’लाई रिप्लेस गर्दै ट्रेण्डिङ्गको पहिलो नम्बरमा आएको हो । गीत हेर्नुस् :
यो गीतले १५ लाख भन्दा बढि भ्युज पाएको छ । कृष्ण आचार्य भारद्वाजको संगीत रहेको गीतमा सरोज ओली र अस्मिता अधिकारीको स्वर छ । शब्द दिनेश थपलियाले लेखेका हुन् ।
सरोज स्वयंमकै निर्देशन रहेको गीतको भिडियोमा विक्रम स्वाँरको कन्सेप्ट र कोरियोग्राफी छ । नवराज उप्रेतीले खिचेको भिडियोलाई अमन मानन्धरले सम्पादन गरेका छन् ।
