सुगम र प्रारम्भले दिए ‘धन्यवाद’ (भिडियो)
लोकप्रिय गायक सुगम पोखरेल र प्रारम्भ भण्डारीको स्वरमा नयाँ गीत सार्वजनिक भएको छ । प्रारम्भको आवाजमा सार्वजनिक भएको यो पहिलो गीत हो । ‘धन्यवाद’ बोलको गीतमा सुगम पोखरेलको शब्द तथा संगीत रहेको छ । गीत हेर्नुस् :
बिहिबार प्रारम्भ भण्डारीको युट्युब च्यानलबाट सार्वजनिक गरिएको गीतको भिडियोमा सुगम पोखरेल र प्रारम्भ भण्डारी पनि फिचर्ड छन् । गीतले संसारभर संकट निम्त्याएको कोरोना भाइरस जस्तो विपदमा हरेस नखाई लड्नुपर्ने संदेश दिएको छ । भय र त्रासको यो समयमा पनि रातदिन नभनि खटिरहेका स्वास्थ्यकर्मी, सुरक्षाकर्मीहरु र सम्पूर्ण फ्रंटलाइन वर्कर्सलाई यस गीत मार्फत धन्यवाद दिइएको छ ।
उत्तम हुमागाईं र असू बस्नेतले छायांकन गरेको म्युजिक भिडियोलाई लोकेश बज्राचार्यले सम्पादन गरेका छन् । गीतको भिडियो निर्देशन एलिन श्रेष्ठले गरेका हुन् ।
