ट्रेन्डिङ १ मा महेश र आँचलको ‘लज्जावती झार’
गायक महेश काफ्ले र अस्मिता अधिकारीको स्वर रहेको ‘लज्जावती झार’ बोलको गीत युट्यब ट्रेन्डिङको पहिलो स्थानमा आएको छ । साउथ इन्डियन फिल्मलाई पछि पार्दै यो गीत ट्रेन्डिङ १ मा आएको हो । सबोल थापाले कोरियोग्राफी गरेको गीतमा आँचल शर्मा, महेश काफ्ले र असिम शाह फिचर्ड छन् । गीत हेर्नुस् :
यो गीतलले ट्रेन्डिङ १ मा आइपुग्दा १५ लाखभन्दा बढी भ्युज पाएको छ । भने ३ हजार भन्दा बढी कमेन्ट पाएको छ । यो गीतलाई अधिकांश दर्शकले सकारात्मक प्रतिक्रिया दिएका छन् । प्रेमिल गीतमा शब्द तथा संगीत पनि गायक महेश स्वयंको छ । भने रिकेश गुरुङले एरेन्ज गरेका छन् ।
हरि हुमागाईंले छायांकन गरेको भिडियोलाई लोकेश बज्राचार्यले सम्पादन गरेका छन् । यो म्युजिक भिडियोलाई आसिफ शाहले निर्देशन गरेका हुन् ।
