भगवानसँग ‘विलाप’ पौख्दै प्रमिला (भिडियो)
शास्त्रीय संगीतका लोकप्रिय गायक सजल न्यौपानेले स्वर तथा संगीत भरेको ’विलाप’ बोलको गीत सार्वजनिक भएको छ । दशवर्षे सशस्त्र युद्धका बेला एउटी आमाले आफ्नो शिशु गुमाउनु पर्दाको पीडालाई समेटेर बनाइएको गीतको भिडियोमा प्रमिला खनालको अभिनय रहेको छ । गीत हेर्नुस् :
मनिष बसिष्टको शब्द र रिदम कडेलको एरेन्जमेन्ट रहेको गीतको भिडियोलाई एम बी क्रियसनको अफिसियल च्यानल मार्फत सार्वजनिक गरिएको हो । नवराज उप्रेतीले खिचेको म्युजिक भिडियोलाई नविन निरौलाले सम्पादन गरेका छन् । गम्भिर बिष्टको निर्देशनमा बनेको भिडियोमा सुबोल थापाको कोरियोग्राफी रहेको छ ।
‘समयको माग अनुसारको गीत भन्दा पनि एउटी आमाले आफ्नो शिशु गुमाउनु पर्दाको पीडाले उनको मनबाट मानवता र ईश्वरप्रतिको आस्था र विश्वास कसरी हट्छ भन्ने कुरालाई छोटो श्रव्यदृश्य मार्फत समाजलाई दर्शाउन पाएकोमा आत्मसन्तुष्टि पाएको छु ।’ गीतकार मनिष बसिष्ट ।
