आशिषको ‘पानी बादलु’मा सरोज, आश्मा र एलिशाको डान्स
आशिष सचिन र रेश्मा पुनको स्वर रहेको ‘पानी बादलु’ बोलको गीत सार्वजनिक भएको छ । डान्सिङ शैलीमा तयार भएको यस गीतको शब्द तथा संगीत दीपक शर्माले तयार गरेका हुन् । गीत हेर्नुस् :
सार्वजनिक गीतको भिडियोमा गायक सचिन आफैँ फिचर भएका छन् । उनीसँगै भिडियोमा एलिशा शर्मा, सरोज अधिकारी र आश्मा विश्वकर्माको नृत्य देख्न सकिन्छ । भिडियोमा पवन खतिवडा ‘म्याकुरी’ र खड्ग बहादुर पुन ‘खबपु’को पनि अभिनय रहेको छ । गायक सचिन आफू यस गीतबाट निकै आशावादी रहेको बताउँछन् । उनी भन्छन्, ‘अहिलेसम्म मलाई दर्शकरश्रोताले निकै माया दिनुभएको छ । उहाँहरुकै लागि भनेर केही फरक शैलीको गीत तयार गरेका छौँ । अडियो तथा भिडियो दुबै पक्षबाट राम्रो बनेको छ । त्यसैले दर्शकरश्रोताको साथ पाउनेमा ढुक्क छु ।’
गम्भिर विष्टको निर्देशन, कन्सेप्ट तथा करियोग्राफी रहेको भिडियोलाई अर्जुन तिवारी र टिमले खिचेका छन् । भिडियो सम्पादन तथा कलरिङ सुप्रिम पराजुलीले गरेका छन् । आशिषको ‘पिरिम नलाउने, एक कान दुई कान मैदान, गलबन्दी–पछ्यैरी’ लगायत गीतहरुले दर्शक–श्रोताको मन जितिसकेका छन् ।
