सृजनासँग पुष्प र नरेनको ‘झन झन माया बढ्न लाग्यो’
गायक धुर्व विष्कोको नयाँ गीत सार्वजनिक भएको छ । सार्वजनिक ‘झन झन माया’ बोलको गीतमा कृष्ण केसीको शब्द तथा गायक बिस्कोको संगीत रहेको छ । गीतमा बिस्कोसँगै सरु गौतमको पनि स्वर छ । भिडियो :
नेपाली लोक तथा पश्चिमेली संगीत भाका मिलाइएको गीतको भिडियोमा पुष्प खड्का, नरेन खड्का, सृजना केसी र सरोज मोक्तानको नृत्य छ । भिडियोमा निर्देशक दिनेश डिसी पनि फिचर्ड भएका छन् । माइकल चन्दको निर्देशनमा तयार भएको भिडियोमा माइकल सेटअपको करियोग्राफी छ । भिडियोलाई उत्सव दाहाल र टिमले खिचेको हुन् भने सम्पादनको काम शिलन लम्सालले गरेका छन् ।
‘हामीले यस गीत चलचित्रको लागि भनेर तयार गरेका थियौँ । कोरोनाका कारण चलचित्रको टुंगो नभएपछि भिडियोमा ल्याउने प्रयास गरेका हौँ’ गायक विस्को भन्छन् ।
