अनमोल केसी स्टारर ‘जेरी २’को थिम पोस्टर रिलिज
अनमोल केसी स्टारर फिल्म ‘जेरी २’ को थिम पोस्टर सार्वजनिक गरिएको छ । सार्वजनिक पोस्टरमा एक युवा ट्रेकिङ्ग हिंडेका छन् ।
हेमराज बिसीको निर्देशनमा निर्माण हुने फिल्ममा अनमोल र नायिका आना शर्माको जोडी जेरीपछि दोहोरिएको छ । ‘जेरी २’ मा अनमोल र आनासँगै नव-नायिका पूर्णिका सिजापतीको पनि मुख्य भूमिका रहनेछ ।
अनन्या फिल्मस् र नेपकम्स ग्लोबलको ब्यानरमा निर्माण हुने ‘जेरी अन टप’लाई सरोज न्यौपाने र रामकृष्ण श्रेष्ठले निर्माण गर्नेछन । फिल्मको कथा, पटककथा तथा संवाद निर्देशक विसी र विश्वास तिमल्सिनाले लेखेका हुन् ।
फागुन अन्तिम साताबाट फ्लोरमा जाने फिल्मको छायांकन अस्ट्रेलिया, अमेरिका र सगरमाथा क्षेत्र लगायतका रमणीय स्थानमा गरिनेछ । अनमोल केसी अभिनित फिल्म छड्के २ यही फागुन १९ गतेबाट प्रदर्शनमा आउँदैछ ।
