करण परियारको स्वरमा सम्राट दाहालको अभिनय (भिडियो)

बाल कलाकार सम्राट दाहालको एकल अभिनयमा नयाँ गीत अस्ति भन्दा हिजो….को भिडियो रिलिज भएको छ । यो गीतको भिडियोलाई सम्राट क्रिएसनको युट्‌युव च्यानलबाट सार्वजनिक गरिएको छ । सम्राटले यो गीतमा आफुजस्तै किशोरहरुको भावना समेटिएकाले यसमा आफुले अभिनय गरेको बताएका छन् । गीत :

उमेरले १४ वर्ष पुगेका सम्राटको यो १४ औं भिडियो हो । सम्राटले पाँच वर्षको उमेरबाटै राष्ट्रिय गीतमा अभिनय गरेर अभिनय यात्रा थालेका थिए । अमेरिकामा बस्दै आए पनि सम्राटले निरन्तर मोडलिङ गरिरहेका छन् । यो गीतमा नेपाल आइडल सिजन ५ का विजेता करण परियारको स्वरमा छ । गीतमा संगीतकार दीपक शर्माले संगीत सृजना गरेका हुन् । गीतको शब्द जती सान्दर्भिक छ । गीत पनि निकै माधुर्य बनेको छ । गीतमा गायक करणले न्याय गरेका छन् । गीतमा सम्राट न्यौपानेको संगीत संयोजन रहेको छ ।

किशोर मनोविज्ञापनमा आधारित भएर तयार गरिएको यो गीतलाई निर्देशक सुमन दाहालले लेखेका हुन् । भिडियोमा निर्देशन पनि सुमनकै रहेको छ । गीतकार सुमनका अनुसार बालबाट किशोरावस्थामा प्रवेश गरेका किशोरहरुको मनोविज्ञानमा यो गीत केन्द्रित रहेको छ । किशोरमा प्रवेश गर्दै गर्दा उनको शारीरिक र मानसिक विकासमा आएका परिवर्तनले जीवनमा ल्याउने कौतुहलतालाई गीतमा प्रस्तुत गरिएको सुमनले बताए ।

किशोर मनोविज्ञापनमा आधारित भएर तयार गरिएको यो गीतलाई निर्देशक सुमन दाहालले लेखेका हुन् । भिडियोमा निर्देशन पनि सुमनकै रहेको छ । भिडियोको सबै छायांकन अमेरिकाको केन्टकी राज्यका विभिन्न रमणीय स्थानमा गरिएको हो । गीतको मर्म अनुसार भिडियोलाई विभिन्न समयमा छायांकन गरिएको छ । पवन गौतम र चाल्र्स मोरल्याण्ड तृतीयले भिडियो छायांकन गरेका हुन् ।