प्रिमियरमा’फूलबारी’लाई प्रशंसै प्रशंसा, प्रदर्शनमा के होला ?
पारिवारिक कथानक फिल्म ‘फूलबारी’यो शुक्रबारबाट प्रदर्शनमा आएको छ । प्रदर्शनपुर्व बिहिबार राती फिल्मको प्रिमियर शो आयोजना गरिएको थियो । जहाँ रामबाबु गुरुङ निर्देशित ‘फूलबारी’ले प्रशंसै प्रशंसा पायो ।
‘फूलबारी’ हेरिरहंदा हलमा हाँसो र आँसु छाएको थियो । फिल्मका नायिकाद्वाय प्रियंका कार्की र शिल्पा मास्केले आफ्नै फिल्म हेर्दा आँसु थाम्न सकेनन् । अभिनेताद्वाय बिपिन कार्की र दयाहाङ राई भावुक बन्दै हलबाट बाहिरिएका थिए ।
‘फूलबारी’ प्रिमियरमा उपस्थित अधिकांश जसोको आँखा रसाएका थिए । यसर्थ फिल्मले प्रिमियरमा प्रशंसै प्रशंसा पायो । हलमा दर्शकले कस्तो प्रतिक्रिया देलान् त ?
यदि दर्शक हलसम्म आए ‘फूलबारी’ले मन जित्ने पक्का छ । फिल्मको कथासँगै कबड्डी फेम्ड निर्देशक, मल्टीस्टार कास्ट र रुचाइएको गीत संगीतले ‘फूलबारी’प्रति दर्शकले प्रेम दर्शाउन सक्दछन् ।
‘फूलबारी’मा कमल किशोर मालपानीको कथा र पटकथा छ । मालपानीको कथामा बिपिन कार्की, अरुणा कार्की, दयाहाङ राई, प्रियंका कार्की, अनुपम शर्मा, गौमाया गुरुङ र शिल्पा मास्कले सुगन्ध दिने कार्य गरेका छन् ।
