‘पशुपति प्रसाद २ : भष्मे डन’को मुहूर्त, बर्षा जोडिइन्
फिल्म ‘पशुपति प्रसाद २ : भष्मे डन’को मुहूर्त गरिएको छ । शुक्रबार पशुपतिनाथमा क्यामेरा पूजा गर्दै फिल्मको मुहूर्त गरिएको हो । मुहूर्तमा फिल्मका निर्देशक, निर्माता र प्राविधिकदेखि मुख्य कलाकार सबैजसो उपस्थित थिए ।
‘पशुपति प्रसाद २ : भष्मे डन’ को मुर्हतमा नायिका वर्षा सिवाकोटीको पनि उपस्थित थिइन् । निर्देशक दीपेन्द्र के खनालले फिल्ममा वर्षा ‘सरप्राइज’ रुपमा रहने बताए । अब फिल्ममा बर्षासँगै विपिन कार्की, सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगरको मुख्य भूमिका रहनेछ ।
आगामी चैत १० गतेबाट छायांकन सुरु हुन लागेको फिल्मलाई खगेन्द्र लामिछानेले लेखेका हुन् । फिल्मका निर्माता पनि उनी स्वयं हुन् । निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुषालको संगीत रहने फिल्म टुकी आर्टस्को ब्यानरमा निर्माण हुनेछ ।
आगामी दशैंको फूलपातीबाट ‘पशुपति प्रसाद २: भष्मे डन’ फिल्म प्रदर्शनमा आउने घोषणा गरिएको छ । फिल्मको छायाँकन तीस दिनमा सकाउने निर्माण पक्षको योजना छ ।
