राजु लामा र त्रिशला गुरुङ गुरुङको स्वरमा ‘तिम्रा पाइलाहरु’
गायक राजु लामा र गायिका त्रिसला गुरुङको युगल स्वरमा नयाँ गित ‘तिम्रा पाइलाहरु’को म्युजिक भिडियो सार्वजनिक भएको छ । भिडियो सोनाम पाख्रिनले निर्देशन गरेका हुन् । गीत :
लेखु सहयात्रीको शब्द अनि संगीतमा तयार भएको सार्वजनिक गित सहयात्रीले चलचित्रका लागि तयार परेका थिए । फिल्मका लागि बनाइदिनु पर्यो भन्नेले वास्ता नगरेपछि निर्देशक सोनाम पाख्रिनले यो गित सुने र तुरुन्तै भिडियो बनाउँन तयार भएका थिए । सोनामले भिडियोमा धुर्व जिसी र नीति चन्दलाई फिचर्ड गरेका छन् ।
धुर्वको यो दोस्रो म्युजिक भिडियो हो भने नीतिले यो भिडियोलाई आफ्नो पहिलो म्युजिक भिडियो भन्न रुचाईन् । यसअघि सानो तिनो रोलमा म्युजिक भिडियोमा देखिएकी नीति फुलफेजमा भने पहिलो पटक तिम्रा पाइलाहरुमा देखिएकि हुन् । भिडियोमा धुर्व र नीतिको केमेस्ट्री सुहाएको देखिन्छ ।
उत्सव दाहाले छाँयाकन गरेको भिडियोमा कविराज गहतराजको कोरियोग्राफी रहेको छ । भिडियोका सम्पादक बिकाश दाहाल हुन्।
