निश्चल बस्नेतको ‘दिमाग खराब’लाई उच्च शो
यही शुक्रबारबाट प्रदर्शनमा आउने ‘दिमाग खराब’को अग्रीम टिकट बुकिङ खुल्ला गरिएको छ । निश्चल बस्नेत निर्देशित फिल्मले मल्टिप्लेक्समा उच्च शो संख्या पाएको छ ।
देशकै ठुलो मल्टिप्लेक्स चेन क्युएफएक्सले ‘दिमाग खराब’लाई काठमाडौं उपत्यकामा २५ शो दिएको छ । भने मोफसलका चेनमा ३३ शो उपलब्ध गराएको छ । यस्तै, दोस्रो ठुलो मल्टिप्लेक्स चेन आईएनआई सिनेमाज्ले १४ शो, एफक्युबले ६ शो, बिग मुभिजले ५ शो, क्युज सिनेमाज्ले ५ शो, रञ्जना सिनेप्लेक्सले ७ शो, सिके सिनेमाज्ले ५ शो, सिने डी सेफले ३ शोमा अग्रीम टिकट बुकिङ खोलेका छन् ।
सिनेमा आर्ट्स र ब्ल्याक हर्स पिक्चर्सको निर्माण रहेको फिल्ममा खगेन्द्र लामिछाने, दयाहाङ राई, स्वस्तिमा खड्का, अपणर् थापा, विजय बराल, सुमन कार्की, पुष्कर गुरुङ, माओत्से गुरुङ, लगायत अन्य कलाकारहरुको अभिनय छ ।निर्देशक निश्चल बस्नेत र नायिका सुपुष्पा भट्ट पनि सिनेमाको एक गीतमा विशेष भुमिकामा देखिएका छन् ।
आकाश बरालको लेखन र मनोज पण्डित स्क्रिप्ट डाक्टर रहेको सिनेमा राजनीतिक विषयमा केन्द्रित रहेर निर्माण भएको हो । सिनेमामा रौनक विक्रम कडेल निर्माता र सुरज बम ठकुरी कार्यकारी निर्माताको रुपमा रहेका छन् ।
