‘बलिदान’को शिर्ष भूमिकामा सौगात मल्ल अनुबन्धित
आशुसेन फिल्म्सले निर्माण गर्ने नयाँ फिल्म ‘बलिदान’को शीर्ष भूमिकामा अभिनेता सौगात मल्ल अनुबन्धित भएका छन् । अभिनेता मल्ल र निर्माताबीच शनिबार लिखित सम्झौता भएको हो ।
टिजर रिलिज पश्चात् बलिदान मा मुख्य अभिनेता अनुबन्धित भएका हुन् । सन्तोष सेनले निर्देशन गर्ने फिल्ममा यसअघि अभिनेत अर्पण थापा पनि अनुबन्धित भैसकेका छन् । पुस पहिलो सातादेखि छायांकन सुरु हुने फिल्मलाई सामाजिक-राजनीतिक ड्रामा भनिएको छ । टिजर :
निर्माण पक्षले गएको तिहारको लक्ष्मीपूजाको दिनमा टिजर सार्वजनिक गर्दै फिल्मको कथावस्तुबारे जानकारी दिएको थियो । जसमा तराई-मधेशमा हुने राजनीतिक घटनाक्रममा आधारित हुनेछ ।
सन्तोष सेनले ‘बलिदान’ निर्माण गर्न पवन विष्टसँग सहकार्य गरेका छन् । प्रेम गीत ३ पछि आशुसेन फिल्मस्ले बलिदान निर्माण गर्न लागेको हो ।
