‘रङ्गेली’ पोस्टरमा दयाहाङ राईको रिसाह रुप
फिल्म ‘रङ्गेली’को पोस्टर सार्वजनिक गरिएको छ । पोस्टरमा फिल्मका प्रमुख अभिनेता दयाहाङ राईलाई एंग्री अवतारमा प्रस्तुत गरिएको छ । अभिनेता राईलाई ‘विजय’ नामबाट परिचय दिँदै पोस्टरमा राखिएको हो ।
अर्जुन सुवेदीको लेखन तथा निर्देशन रहेको ‘रङ्गेली’मा दयासँगै मिरुना मगर, अर्पण थापा, प्रवीण खतिवडा, रमेश बुढाथोकी लगायत अन्य कलाकारहरुको प्रमुख भूमिका रहेको छ । फिल्म माघ २५ प्रदर्शन हुनेछ । फिल्मलाई जीतेन्द्र खतिवडा र अनुज जङ्ग थापा मिलेर निर्माण गरेका हुन् । निर्माताहरू संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह-निर्माता हुन् । विवेक खड्का (योलो) एशोसियट निर्माता हुन् । छायाँकार सुशन प्रजापतिको छ ।
फिल्मको अष्ट्रेलिया र अमेरिकामा कलाकार सहित भिआइपी रेड कार्पेट प्रिमियर हुने बताइएको छ । यो फिल्म नेपालसँगै अमेरिका, अस्ट्रेलिया, जापान, कोरिया, हङकङ लगायतका विश्वका विभिन्न मुलुकहरूमा एकसाथ रिलिज हुनेछ ।
जापान, कोरिया र हङकङमा उज्ज्वल गुरागाईँ र यूएनए इन्टरटेन्मेन्ट, अमेरिकामा ‘एक्का बास्सा इन्टरटेन्मेन्ट’ र ’लाइभ एट प्रिजेन्ट’ तथा अस्ट्रेलियामा ‘हट बिट्स ईभेन्टस’ले ‘रङ्गेली’ रिलिज गर्दैछन् ।
