प्रकाश सपुतले सके ‘बसन्त’को सबै सुट
प्रकास सपुतको डेव्यु निर्देशकिय फिल्म ‘बसन्त’को सम्पूर्ण छायांकन सकिएको छ । ३८ दिनमा फिल्मको सबै छायांकन प्याकअप गरिएको हो । बुधबार फिल्मको अन्तिम सट खिच्दै काठमाडौंमा इन्डक्ल्याप गरिएको हो ।
आगामी चैत्र २२ गते चैते दशैंको अवसर पारेर प्रदर्शनको तयारीमा रहेको फिल्म निर्माणमा आफु र आफ्नो टिमले निकै मेहनत गरेकाले आफुले सोचेको र खोजेकै जस्तो रिजल्ट आउने सपुतको विश्वास छ । अभिनेता समेत रहेका सपुतको जन्मथलो बागलुङ सहित काठमाडौं र तराईका विभिन्न ठाउँमा फिल्मको छायांकन गरिएको छ ।
फिल्ममा प्रकाश सपुत सहित स्वस्तिमा खड्का, प्रभात पाल ठकुरी, खड्क बहादुर पुन (खबपु), शिवांशी श्री, अनुप बराल, कमलमणी नेपाल, प्रकाश घिमिरे लगायतका कलाकारहरुको अभिनय छ ।
फिल्ममा कथा, पटकथा र संगीत पनि सपुतले नै तयार पारेका हुन् । गलबन्दी प्रोडक्सनको प्रस्तुति रहने फिल्मको कार्यकारी निर्मातामा मोहन विश्वकर्मा, अनुरोध भट्टराई र नाना थकाली छन् । फिल्मलाई सुसन प्रजापतिले खिचेका हुन् ।
