धिरेन शाक्य, भोलाराज सापकोटा लिएर ‘चिठ्ठी’ बन्दै
फिल्म ‘चिठ्ठा’ निर्माण हुने भएको छ । कमेडी जनराको फिल्मको निर्देशन आरएल लामा मोक्तानले गर्नेछन् । फिल्मको कथा, पटकथा तथा संवाद स्वंयम निर्देशक आरएल लामाले नै तयार गरेका हुन् । चिठ्ठी को छायाँकन पौषको दोस्रो साताबाट सुरु हुनेछ ।
लंका फिल्म प्रा.लीको व्यानरमा निर्माण हुने सिनेमामा धिरेन शाक्य, भोलाराज सापकोटा, अर्जुन गुरुङ, निमा लामा, रसिला कार्की लगायतका कलाकारको मुख्य भूमिका रहनेछ । सिनेमाको लागि एक अभिनेता र एक अभिनेत्री छनोटको चरणमा रहेको निर्देशक लामाले बताए ।
रेल्लु माया तामाङ प्रस्तुतकर्ता रहेको सिनेमामा आर सुनाम मोक्तानको लगानी रहनेछ । मियम मोक्तान सह-निर्माता रहेको फिल्ममा रंग पत्रकार सञ्चु थोकरको छायांकन, शंकर महर्जनको द्धन्द्व निर्देशन, निर्देशक आरएल लामाको शब्द तथा संगीत, युवराज कँडेल र अन्नु चौधरीको स्वर रहनेछ ।
