नेपालको सफलतापछि ‘परदेशी २’ माल्टामा प्रर्दशन हुने
फिल्म परदेशी-२ युरोपेली मुलुक माल्टामा प्रर्दशन हुने भएको छ । नोभेम्बर २५ र २६ मा उक्त फिल्म ग्यालेरिया सिनेमा एफगुरामा प्रर्दशन हुने भएको हो । फिल्मलाई माल्टास्थित ब्लु हर्ष इन्टरटेन्मेन्टले काठमाडौँस्थित राइज मिडिया नेटवर्कको सहकार्यमा फिल्म रिलिज गर्दैछ ।
सो-सम्बन्धी बिहिबार सम्झौता गरिएको छ । सम्झौता कार्यक्रममा परदेशी फिल्मका निर्देशक नारायण रायमाझी, निर्माता राजेश बंशल र राइज मिडियाका तर्फबाट संस्थाकी निर्देशक एवं लोकगायिका सुनिता दुलाल तथा प्रशासन प्रमुख अशोक गुरुङ उपस्थित थिए । तथा प्रशासन प्रमुख अशोक गुरुङ उपस्थित थिए । दशैंको अवसरमा प्रदर्शन भएको परदेशी २ सफल भयो ।
‘परदेशी २’ बाट गायक प्रकाश सपुत सपुतले फिल्ममा डेव्यु गरेका हुन् । फिल्ममा सपुतसँगै केकी अधिकारी, वर्षा शिवाकोटी, दिलीप रायमाझी, प्रशान्त तामाङ, नीर शाह, सबिन बास्तोला, रमा थपलिया, देवेन्द्र बब्लु, सुशिल पोख्रेल, रोशनी कार्की लगायत अन्य कलाकारहरुको अभिनय छ ।
फिल्मको कथा रमेश बिजीले लेखेका हुन् । फिल्ममा बीबी अनुरागी र नारायण रायमाझीले संगीत दिएका छन् भने निर्माण राजेश वंशल र निर्देशन नारायण रायमाझीको छ ।
