‘रङ्गेली’ को अर्को झलक : ‘जुनकिरी’ बनिन् मिरुना
फिल्म ’रङ्गेली’ बाट अभिनेत्री मिरुना मगरको पहिलो अवतार सार्वजनिक गरिएको छ । पोस्टरमा मिरुनालाई ’जुनकिरी’ को रुपमा प्रस्तुत गरिएको छ । मिरुना अगाडी अभिनेता दयाहाङ राईको झलक सार्वजनिक गरिएको थियो ।
फिल्म ’रङ्गेली’ लाई अर्जुन सुवेदीले निर्देशन गरेका हुन् । निर्देशक सुवेदीले मिरुनाले अहिलेसम्म अभिनय गरेको भन्दा भिन्न चरित्र निर्वाह गरेको कारण दर्शकलाई थप चासो हुने विश्वास व्यक्त गरे । सुवेदीकै लेखन रहेको ’रङ्गेली’मा मिरुनाको साथमा दयाहाङ राई, अर्पण थापा, प्रवीण खतिवडा, रमेश बुढाथोकी लगायतको प्रमुख भूमिका रहेको छ । छायाँकार सुशन प्रजापति हुन् ।
फिल्मका कार्यकारी निर्माताहरू जीतेन्द्र खतिवडा र अनुज जङ्ग थापा हुन् । निर्माताहरू संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह-निर्माता हुन् । विवेक खड्का (योलो) एशोसियट निर्माता हुन् ।
