दया र दियाको ‘दयारानी’को ओभरसिज् राइट्स बिक्री
फिल्म ‘दयारानी’को ओभरसिज् राइट्स बिक्री भएको छ । फिल्मको विदेश प्रदर्शन अधिकार सेभेन सिज इन्टरटेनमेन्टले खरिद गरेको हो । कलाकार माओत्से गुरुङको डेव्यु निर्देशकिय फिल्म दयारानी माघ २६ गतेदेखि प्रदर्शन हुँदैछ ।
फिल्म निर्माण कम्पनि बाँसुरी फिल्मस् र सेभेन सिज इन्टरटेनमेन्टबीच यही बुधबार विदेश प्रदर्शनलाई लिएर लिखित सम्झौता भएको हो । फिल्ममा अभिनेता दयाहाङ राई र अभिनेत्री दीया पुनको मुख्य भुमिका छ । दयाहाङ र दीया सँगै फिल्ममा विजय बराल, प्रमिसा गुरुङ, पुस्कर गुरुङ, टिकाराम घले लगायतका कलाकारहरुे अभिनय छ ।
बाँसुरी फिल्मस् र माओत्से फिल्मस्को ब्यानरमा निर्मित फिल्मलाई शैलेन्द्र ध्वज कार्कीको खिचेका हुन् । गुरुङ समुदायमा दयालु यूवतीलाई ‘दयारानी’ भन्ने गरिन्छ । फिल्ममा अभिनेत्री दीया पुनलाई दयालु युवतीको रुपमा प्रस्तुत गरिएको छ ।
मोहन गुरुङ, किरण गुरुङ, केन्द्र लिम्बु र न्यू आइटी भेन्चरको सहकार्यमा निर्माण भएको सिनेमाका कार्यकारी निर्माता रामबाबु गुरुङ र अपिल विष्ट हुन् ।
