रिस्मा र दयाको जोडी ‘रिमै’ मार्फत दोहोरियो
सफल फिल्म ’कबड्डी’ की ’मैंया’ उर्फ अभिनेत्री रिस्मा गुरुङ्ग पुनः अभिनेता दयाहाङ्ग राईसँग पर्दामा देखिने भएकी छन् । नयाँ फिल्म ’रिमै’ मार्फत दया र रिस्माको जोडी दोहोरिन लागेको हो ।
गोरख सिरानचोक एण्ड लिगलिग कोट फिल्मस् प्रालिको व्यानरमा बन्ने फिल्मलाई खिल बहादुर गुरुङ्गले निर्देशन गर्नेछन् । फिल्ममा दया र रिस्मासँगै विरबल घले प्रमूख भूमिकामा देखिनेछन् । उपेन्द्र सुब्बा फिल्मका पटकथा लेखक हुन भने कथा निर्देशक गुरुङ्ग र अभिनेता घलेले लेखेका हुन् ।
फिल्मको कार्यकारी निर्मातामा टिका गुरुङ्ग(युके), प्रकाश गुरुङ्ग(युके), जित यात्री गुरुङ्ग (नर्वे) तथा सचि कुमारी घले रहेका छन् । दुन बहादुर घले, हेमा गुरुङ्ग तथा विजय लामा फिल्ममा सह-निर्माताका रुपमा रहनेछन् । फिल्मको हाल प्रि-प्रोडक्सन चलिरहेको छ । ’रिमै’को छायाँकन चैत्रबाट सुरु गर्ने निर्माण पक्षको तयारी छ ।
