‘महाजात्रा’को ‘आहा क्या राम्रो’मा अरुण र आश्माको दमदार डान्स
प्रदीप भट्टराई निर्देशित फिल्म ‘महाजात्रा’को पहिलो गीत सार्वजनिक गरिएको छ । ‘आहा क्या राम्रो’ बोलको गीत र भिडियो दमदार छ । गीत :
आशिष अविरलको संगीत रहेको गीतका शब्द एकनारायण भण्डारीले लेखका हुन् । गीतमा स्वर संगीतकार अविरल र गायिका अस्मिता अधिकारीले दिएका छन् । कविराज गहतराजको कोरियोग्राफी रहेको गीतमा नायक अरुण क्षेत्री र मोडल आश्मा विश्वकर्माले दमदार नृत्य पस्केका छन् बिपिन कार्की र बर्षा राउतको जोडी क्युट छ । रविन्द्रसिंह बानियाँ र रविन्द्र झाको नाच रमाइलो लाग्छ । समग्रमा गीत र भिडियोले दर्शकको मन जित्ने पक्का छ ।
अभिनेता हरिवंश आचार्यको समेत मुख्य भूमिका रहेको फिल्म महाजात्रा चैत ९ गतेदेखि प्रदर्शनमा आउँदैछ । अफिसियल पोस्टर पश्चात् फिल्मको पहिलो गीत रिलिज गरिएको हो ।
