पर्वत क्षेत्रको मोदिबेनीको कथामा ‘मोदिबेनी’ फिल्म बन्ने
फिल्म ’मोदिबेनी’ निर्माण घोषणा गरिएको छ । डिनेस्ट इन्टरटेनमेन्टको प्रस्तुतिमा बन्ने यो फिल्मलाई शङ्कर कोइरालाले निर्देशन गर्दैछन् । म्युजिक भिडियो, विज्ञापन तथा सिरिज निर्माण गर्दै आइरहेको निर्माण कम्पनी डिनेस्ट इन्टरटेनमेन्टको वार्षिकोत्सवको अवसर पारेर फिल्मको टाइटल घोषणा गरिएको हो ।
करिब चालिस वर्ष पहिले र हालको कथालाई समिश्रण गरी बनाइने यो फिल्मले पर्वत जिल्लाको मोदिबेनी क्षेत्रको कथा भन्ने निर्माता दिलिप के.सीले जानकारी दिए । केसीसँग हरि श्रेष्ठले मिलेर फिल्म निर्माण गर्दैछन् । फिल्मको लेखन आनन्द बिक्रम क्षेत्रीले गरेको हुन् । छायाँकन यही माघदेखि सुरु हुँदैछ ।
फिल्मका कलाकारहरु भने सार्वजनिक गरिएको छैन् । फिल्ममा चर्चित कलाकारहरू रहने निर्देशकले जानकारी दिए । केही कलाकारहरू अडिशन मार्फत समेत छनोट गरिने जनाईएको छ ।
