सविर श्रेष्ठको ‘रुखान’मा नीति शाह अनुबन्धित
फिल्म ‘रुखान’ मा नायिका नीति शाह मुख्य भूमिकामा अनुबन्धित भएकी छन् । निर्माण पक्ष र नीतिबिच यही बुधबार कागजी संझौता भएको हो । फिल्मलाई निर्देशक सविर श्रेष्ठले निर्देशन गर्दैछन् ।
यो फिल्मलाई लिएर आफू निकै नै उत्साहित रहेको नीतिले बताएकी छन् । फिल्ममा नीति एक बिद्रोही महिलाको भूमिकामा देखिदैछिन् । नीतिले आफ्नो पहिलो फिल्म खजुरे ब्रोको छायाँकन सकाएकी छन् । यो फिल्मलाई नेपाली, हिन्दी, अंग्रेजी र भोजपुरी गरी भाषा डबिङ गरेर प्रदर्शन गर्ने तयारी निर्माण पक्षको तयारी छ ।
कृष्ण थापा (अष्ट्रेलिया) र सुरेश गुरुङको निर्माणमा बन्ने यो फिल्ममा डाक्टर रुपक घिमिरेको कथा छ । फिल्मका कार्यकारी निर्माता सविन श्रेष्ठ हुन् । फिल्ममा अर्जुन पोखरेलको संगीत, अभिमन्यू निरवीको पटकथा तथा संवाद रहनेछ ।
यो फिल्म सविन फिल्मस्, भिक्टोरी प्रोडक्शन हाउस प्रा.लि र काइट्स इन्टरटेन्मेन्टको ब्यानरमा निर्माण हुन लागेको हो । फिल्मको निर्माणमा आवरण स्किन हेयर क्लिनिकले पनि सहकार्य गरेको छ ।
