‘गोर्खा वारियर’को प्रिमियरमा राजनीतिकर्मीको लर्को
मिलन चाम्स निर्देशित फिल्म गोर्खा वारियरको बुधबार काठमाण्डूमा भव्य रेड कार्पेट प्रिमियर भएको छ । प्रिमियरमा विभिन्न राजनीतिक नेता, कुटनीतिज्ञ, फिल्मकर्मी, सञ्चारकर्मी, बुद्धीजिवी, विभिन्न संघ संस्थाका पदाधिकारीहरुको उल्लेख्य उपस्थिति रह्यो ।
यही शुक्रबार फागुन ११ गतेबाट प्रदर्शनमा आउने फिल्मको प्रिमियरमा पूर्व प्रधानमन्त्री तथा नेकपा एमालेका अध्यक्ष केपी ओली प्रमुख आतिथि रुपमा उपस्थित थिए । प्रिमियर शोमा संस्कृति पर्यटन तथा नागरिक उड्यान मन्त्री सुदन किराती, पूर्व उपप्रधान मन्त्री तथा राप्रपाका अध्यक्ष राजेन्द्र लिङदेन, साँसद ज्ञानेन्द्र बहादुर शाही, कोशी प्रदेशका पूर्व मुख्यमन्त्री शेरधन राई, नेपालका लागि बेलायती राजदुत रब फेनलगायत विभिन्न नेता तथा कुटनीतिज्ञहरुको उपस्थित थियो ।
यस्तै नायिका प्रियंका कार्की लगायत एक दर्जन सेलिब्रेटी निर्देशक चाम्स निर्देशित फिल्मको प्रिमियर शोमा सहभागी थिए । विर गोर्खालीको कथामा बनेको फिल्म गोर्खा वारियारमा रितेश चाम्स, विजय लामा, रेविका गुरुङ, कविता आले, रेयर राई लगायत अन्य कलाकारहरुको अभिनय छ ।
तस्बिर : सुरेन्द्र थापा
