युटुवको शिर्ष स्थानमा ‘बोक्सीको घर’को ट्रेलर
केकी अधिकारी निर्मित तथा अभिनित फिल्म ‘बोक्सीको घर’ को ट्रेलर चौबिस घण्टा नबित्दै युटुव ट्रेन्डिङको शिर्ष स्थानमा आउन सफल भएको छ । आइतबार अपलोड गरिएको फिल्मको प्रोमो मंगलबार दिउँसा ट्रेलर युट्युब ट्रेन्डिङ्ग अन्तर्गत मुभि सेसनको शिर्ष स्थानमा छ । ट्रेलर :
यस्तै, तेस्रो नम्बरमा भने आगामी शुक्रबारबाट प्रदर्शनको तयारीमा रहेको फिल्म ‘डिग्री माइला’को ट्रेलर रहेको छ । फिल्म बोक्सीको घर लाई सुलक्षण भारतीले लेखन तथा निर्देशन गरेका हुन् । यो कथामा सफल रुपमा नाटक मञ्चन भैसकेको छ । फिल्मको ट्रेलरले बोक्सीमा आरोप लगाइएकी एक महिला पात्रलाई पछ्याउँछ । जुन भुमिकामा अभिनेत्री केकी अधिकारी प्रस्तुत छिन् । ट्रेलरमा उनको चरित्रचित्रण प्रभावशाली देखिन्छ ।
फिल्म आगामी बैशाख १४ गतेदेखि प्रदर्शन हँदैछ । फिल्मले समाजमा प्रचलित ‘बोक्सी’ कुप्रथालाई चित्रण गर्ने बताइन् । महिलालाई बोक्सीको आरोप लगाई समाजले उनीहरूमाथि गर्ने शोषणको वरिपरि रहेर सिनेमा निर्माण भएको हो ।
केकी अधिकारी फिल्मस्को प्रस्तुतीमा निर्माण भएको सिनेमा नेपालसहित विभिन्न देशमा एकसाथ प्रदर्शनसँगै अन्तर्राष्ट्रिय महोत्सवमा समेत लैजाने तयारी केकीको छ । सिनेमामा निर्माताका रुपमा केकीका बाबु बद्री अधिकारी रहेका छन् भने राज घिमिरे कार्यकारी निर्माता हुन् ।
फिल्ममा केकीका अलवा सुपला सापकोटा, श्वेच्छा राउत, सुलक्षण भारती, रमा थपलिया, सुष्मा निरौला, सबिन बास्तोला लगायतको अभिनय छ । लोचन रिजालको ब्याकग्राउण्ड म्युजिक रहेको सिनेमामा शिवराम श्रेष्ठको छायांकन र लोकेश बज्राचार्यको सम्पादन छ ।
