निश्चल स्वस्तिमा स्टारर ‘बेहुली फ्रम मेघौली’ प्याकअप
फिल्म ‘बेहुली फ्रम मेघौली’ को छायाँकन सकिएको छ । चौतिस दिनमा फिल्मको सम्पूणर् छायांकन सकिएको हो । निश्चल बस्नेत र स्वस्तिमा खड्काको मुख्य भूमिका रहेको फिल्मलाई साजन काफ्ले र आकाश बरालले संयूक्त रुपमा निर्देशन गरेका छन् ।
फिल्म ‘बेहुली फ्रम मेघौली’ की अभिनेत्री निर्मात्री स्वस्तिमा खड्का हुन् । स्वस्तिमाको डेब्यू निर्माणमा उनलाई श्रीमान् तथा निर्देशक निश्चल बस्नेतले सघाएका छन् । फिल्ममा निश्चल र स्वस्तिमाका अलावा विजय बराल, सिम्रन खड्का, आमिर गौतम लगायतको अभिनय रहेको छ ।
आकाश र साजनकै संयूक्त लेखन रहेको सिनेमा ब्याक हर्स पिक्चर्स र मघौली फिल्म्सको ब्यानरमा निर्माण भएको हो । यसअघि आकाशले निश्चल निर्देशित सिनेमा ‘दिमाग खराब’को स्क्रिप्ट लेखेका थिए ।
आगामी वर्ष दशैंमा रिलिज हुने फिल्ममा शंकर पाण्डे र फिरोज खड्का कार्यकारी निर्माता रहेका छन् । निश्चल र स्वस्तिमाको यो साल फिल्म दिमाग खराब सफल बन्यो ।
