मनिषा कोइरालाको प्रशंसमा किन रोकिइनन् केकी ?
‘बोक्सीको घर’ अभिनेत्री र निर्मात्री केकी अधिकारीले बलिउड अभिनेत्री मनिषा कोइरालाको प्रशंसा गरेकी छन् । संजयलिला भन्साली निर्देशित नेट्फिल्क्सि सिरिज ‘हिरामन्डी’को ट्रेलर हेरेपछि केकीले नेपाली चेली कोइरालाको प्रशंसा गरेकी हुन् ।
‘हिरामन्डी’को ट्रेलर हेरेपछि मनिषा दिदीको प्रशंसा गर्नबाट आफुलाई रोक्न नसकेको केकीको भनाई छ । ‘तपाईंका फिल्महरूसँगै हुर्किएँ । तपाईं सधैं म र मेरो पुस्ताका अन्य धेरै कलाकारहरूका लागि प्रेरणाको स्रोत हुनुहुन्छ । तपाईंले पहिले नै आफ्नो कलात्मक दायराको साथ दर्शकहरूलाई मोहित गरिसक्नुभएको छ । र, यहाँ तपाईंले हामीलाई अर्को चकित पार्नु भएको छ’, केकी आफ्नो इन्स्टा स्टोरीमा लेख्छिन्, ‘तपाईं सिल्भर स्क्रिनमा र बाहिर दुवै साँचो कलात्मकता र लचकताको एक वास्तविक उदाहरण हुनुहुन्छ । तपाईंसँग स्क्रिन साझा गर्न पाउँदा म कृतज्ञ छु । र म यहाँ एक गौरवान्वित साथी नेपाली महिलाको रूपमा उभिएको छु । तपाईलाई सबै थप शक्ति !’
मनिषासँग केकी केही विज्ञापनहरुमा एकसाथ देखिएकी छन् । केकीको नयाँ फिल्म ‘बोक्सीको घर’को यतिबेला चर्चा छ । फिल्मको गीत र ट्रेलरलाई रुचाइएको छ । फिल्म बैशाख १४ गतेबाट प्रदर्शनमा आउँदैछ ।
