बाइस दिनमा ‘एक मुठ्ठी बादल’को सुटिङ सकियो
फिल्म ‘एक मुठ्ठी बादल’को सुटिङ समाप्त भएको छ । पोखराका लामाचौर र आसपासका ठाउँमा खिचिएको फिल्म २२ दिनमा सकिएको हो ।
साहारा शर्माको लेखन तथा निर्देशन रहेको फिल्ममा छायाँकारको भूमिका लिन ड्यानले निर्वाह गरेकी छन् । भियतनामकी ड्यानको यो तेश्रो फिचर फिल्म हो भने, एक मुठ्ठी बादल पहिलो नेपाली फिचर चलचित्र हुनेछ । यसैगरी प्रडक्सन डिजाइनमा भारतकी यशस्वी सबरवाल, अडियो मिक्सर प्रियंका गायकवाड, र प्रमुख सहायक निर्देशक मणर्ा जेम्स रहेका छन् । चलचित्रमा कीर्ति जोशीले मेकअप विभागको प्रमुखको जिम्मेवारी निर्वाह गरेकी थिइन् पोशाक विभागको जिम्मेवारी जानकी कडायतले सम्हालेकी थिइन् ।
निकुन श्रेष्ठ कार्यकारी निर्माता रहेका फिल्मलाई अभिमन्यु दीक्षित, अनुप पौडेल, र सामीप्यराज तिमल्सेनाले संयुत्त रुपमा निर्माण गरेका हुन् । गौथली इन्टरटेन्मेन्ट, मन प्रोडक्सन र अन्डरग्राउन्ड टकिजको प्रस्तुति रहेको फिल्ममा आँचल शर्मा, निशा शर्मा, उषा रजक, अस्मिता गौतम, भीमा मैनाली, शेखर चापागाइँ, मनिष निरौला, गौरव विष्ट, सहयोगराज अधिकारी, अविरलप्रताप अधिकारी आदि कलाकारको अभिनय रहेको छ ।
फिल्को ८ मार्च अर्थात् नारी दिवस, तथा, महाशिवरात्रीको अवसर पारेर चलचित्रको शुभ मुर्हत सँगै सुटिङ्ग सुरु गरिएको थियो । फिल्मलाई अर्को वर्षमा प्रदर्शन गर्ने लक्ष्य राखिएको छ ।
निर्देशक सहारा शर्माले फिल्मको निर्माण अप्ठेरो र चुनौतीपूणर् रहे पनि सिकाइका हिसाबले उपलब्धिपूणर् भएको बताइन् । उनले भनिन्, ‘के भइरहेको थियो भोग्दा मात्र थाहा हुन्थ्यो तर म प्राविधिक टिम र कलाकारको मप्रतिको भरोसा र अथक मेहनतका लागि आभारी छु ।’
लेखक तथा निर्देशक सहारा शर्माको नेतृत्वमा यो फिल्ममा पहिलो पटक महिलाले फिल्म निर्माणका विभिन्न विभागहरूमा प्रमुखको भूमिका निर्वाह गरेका छन् ।
