‘फर्की फर्की’ प्रोमो रिलिज : रामोन्टिक अनमोल र जसिता
नायक अनमोल केसी स्टारर फिल्म ‘फर्की फर्की’को प्रोमो रिलिज गरिएको छ । बिहिबार प्रेसमिट गर्दै म्युजिकल लभ स्टोरी फिल्मको ‘ट्रेलर वन’ रिलिज गरिएको हो । प्रोमो :
प्रोमोमा नायक अनमोल केसी केन्द्रमा छन् । साथमा नायिका जसिता गुरुङसँगको रोमान्सलाई पनि प्रस्तुत गरिएको छ । अनमोल र जसिताले पहिलो पटक स्क्रिन सेयर गरेका हुन् । फिल्मको लेखन तथा निर्देशन सुयोग गुरुङले गरेका हुन् भने फिल्म निर्माणमा रोहित अधिकारी र ओम अग्रवालले सहकार्य गरेका छन् । फिल्म जेठ १० गतेदेखि प्रदर्शनमा आउदैछ ।
फिल्म फर्की फर्की मा अनमोल र जसितासँगै रवि काफ्ले, समृद्धी अर्याल लगायत अन्य कलाकारहरुको अभिनय छ । नरेन्द्र मैनालीको छायाँकन रहेको फिल्मलाई सुरेन्द्र पौडेलले सम्पादन गरेका छन् ।
