‘एक्टर’मुर्हत : प्रदीप, आना र डेव्यु दिव्याले गरे पूजा
अभिनेता प्रदीप खड्का स्टारर फिल्म ‘एक्टर’को मुहूर्त गरिएको छ । ललितपुरको कार्यविनायक मन्दिरमा पूजा गर्दै फिल्मको मुर्हत गरिएको हो ।
मुर्हत पूजामा प्रदीप सहित नव-नायिका दिव्या रायमाझी, नायिका आना शर्मा, दिव्य देव, सुशिल सिटौला लगायत फिल्मको सबै जसो युनिट उपस्थित थिए । दिव्या अभिनेता दीलिप रायमाझीकी छोरी हुन् । एक्टर उनको डेव्यु फिल्म हो । वैदिक विधिअनुसार यज्ञ सहितको पूजा गरिएको निर्माता थमन भण्डारीको भनाइ छ । उनका अनुसार यो फिल्मको छायांकन वैशाख २० गतेदखि मुस्ताङ, पोखरा र काठमाडौंमा हुनेछ ।
राजन भुसालले निर्देशन गर्ने फिल्म एक्टरले नेपाली फिल्म अभिनेताको संघर्ष र उसको रोमान्सको यथार्थ पाटो चित्रण गर्नेछ । डेब्यु निर्देशक राजन भुसालले आकाश बरालसँग मिलेर यो फिल्मको पटकथा लेखेका हुन् ।
थमन भण्डारी र एनिश भुसालले निर्माण गर्न यो फिल्म अदृत फिल्म्स र अमोती फिल्म्सको ब्यानरमा निर्माण हुन लागेको हो । पछिल्लो समय अभिनेता प्रदीप खड्का धेरै फिल्ममा आवद्ध भैरहेका छन् ।
