‘पूर्ण बहादुरको सारङ्गी’ मा प्रकाश सपुत पक्का
फिल्म ‘पूर्ण बहादुरको सारङ्गी’ मा सर्जक प्रकाश सपुत अनुबन्धित भएका छन् । फिल्म निर्माण कम्पनी सेभेन सिज इन्टरटेनमेन्ट र सपुतबिच सम्झौता भैसकेको छ ।
‘परदेशी २’ पश्चात् प्रशका सपुत ‘पूणर् बहादुरको सारङ्गी’ मा मुख्य नायकको रुपमा अनुबन्धित भएका हुन् । यो फिल्ममा उनको भूमिका बारे गोप्य नै राखिएको छ । सेभेन सिज सिनेमाज् को प्रस्तुतिमा बन्न लागेको यस फिल्मको लेखन तथा निर्देशन सरोज पौडेल हुन् ।
निर्माण पक्षले यस अघि फिल्मको नाम र थिम भिडियो सार्वजनिक गरेको थियो । जसमा फिल्मलाई विं.सं. २०८२ साल भित्र विश्व बजारमा प्रदर्शन गर्ने लक्ष्य सहित सार्वजनिक गरिएको मोसन पोस्टरबाट मौलिक कथा र कलात्मक प्रस्तुति रहने बुझ्न सकिन्छ ।
फिल्ममा विनोद पौडेल र प्याट्रिक सुवेदीको लगानी रहनेछ । प्रशान्त सिवाकोटीको संगीत रहने फिल्ममा महेश दवाडीको पटकथा तथा संवाद रहनेछ । फिल्ममा रमेश चौलागाईं र हरि श्रेष्ठ कार्यकारी निर्माताको रूपमा रहेका छन् ।
यो फिल्मले एक गहन विषयलाई उठान गर्न लागेको निर्माता विनोद पौडेलले जानकारी दिएका छन् ।
