दर्शकले रुचाए ‘बोक्सीको घर’, केकी बनिन् भावुक
केकी अधिकारी निर्मित फिल्म ‘बोक्सीको घर’लाई दर्शकले रुचाएका छन् । शुक्रबार, पहिलो दिन फिल्म हेरेका दर्शकले सकारात्मक प्रतिक्रिया दिएका हुन् ।
फिल्ममा शिर्ष भूमिका निभाएकी केकी अधिकारी, लेखक तथा निर्देशक सुलक्षण भारती, बाल कलाकार सुपला सापकोटा र उनका पिता भोलाराज सापकोटा बिहानी शोेदेखि नै दर्शक प्रतिक्रिया बुझ्न हलहल पुगिरहेका छन् । जहाँ केकीलाई भेटेर दर्शकहरु भावुक बनेका छन् भने केकी पनि मिडिया प्रतिक्रिया दिने क्रममा भावुक बन्न पुगिन् ।
फोटो भिडियो साभार : एमएनएम नेपाल
फिल्म हलहरुमा ‘बोक्सीको घर’प्रति दर्शकको उपस्थिति पहिलो दिनदेखि नै सुखद् देखिएको छ । दिउँसाको शो पचास प्रतिशत माथि अकुपेन्सी देखिएकोमा साँझको शो शत प्रतिशत जस्तो अनुमान छ । शुक्रबार आएको दर्शकको सकारात्मक प्रतिक्रियाले शनिबारको प्रायः शोहरु भरिभराउ हुने अनुमान छ ।
सुलक्षण भारतीको लेखन तथा निर्देशन रहेको फिल्ममा केकी र सुपलासँगै स्वेच्छा राउत, सोबिता अधिकारी, रमा थपलिया लगायत अन्य कलाकारहरुको अभिनय छ ।
