नरमाइलो खबर : ‘माइतीघर’का अभिनेता सीपी लोहनीको निधन
फिल्म ‘माइतीघर’ का अभिनेता सीपी लोहनी (चिदम्बरमप्रसाद लोहनी)को निधन भएको छ । ८६ वर्षको उमेरमा उनको सोमबार निधन भएको हो ।
अल्माइजर पीडित उनको आज १ः३० बजे निधन भएको चलचित्र कलाकार संघका अध्यक्ष मोहन निरौलाले जानकारी दिएका छन् । काठमाडौंको माइतीघरस्थित अन्नपूणर् न्यूरो अस्पतालमा उनको निधन भएको हो । उनको पार्थिव शरिरलाई आज अपरान्ह ४ बजे पशुपति आर्यघाटमा अन्त्येष्टि गरिदैछ ।
‘माइतीघर’ निजी क्षेत्रले निर्माण गरेको पहिलो फिल्म हो, जसमा स्व.लोहनी मुख्य अभिनेता थिए । उनले सोही फिल्मका गीतहरुमा स्वर समेत दिएका थिए । उनको बिबाह सोही फिल्मी अभिनेत्री माला सिंन्हासँग भएको थियो ।
