‘बोक्सी’ बन्दा… बम्पर केकी (६ तस्बिर)

केकी अधिकारी निर्मित तथा अभिनित फिल्म ‘बोक्सीको घर’ले बक्स अफिसमा बम्पर ओपनिङ गर्यो । केकीको शिर्ष भूमिका रहेको कुनै पनि फिल्मले गरेको सम्भवतः यो पहिलो व्यापारिक रेकर्ड हो ।

फिल्मको बम्पर ओपनिङ सँगै ‘बोक्सीको घर’को ‘बुझिन मैंले’ गीतले पनि अर्को रेकर्ड कायम गरेको छ । सार्वजनिक भएको छोटो समयमै प्रकाश सपुत सृजित यो गीतले युटुवमा एक करोड बढी भ्युज पाएको छ । केकी फिचर्ड गीतको कोरियोग्राफी सुनिल क्षेत्रीले गरेका हुन् । गीतमा गायिका समिक्षा अधिकारीको स्वर छ । संगीत र शब्द प्रकाश सपुतकै हो ।

फिल्म ‘बोक्सीको घर’को सुरुवाती सफलतामा ‘बुझिन मैंले’ गीतले धेरै अहम् भूमिका छ । सुलक्षण भारतीको लेखन तथा निर्देशन रहेको फिल्ममा केकीसँगै सुपला सापकोटा, शोबिता अधिकारी, श्वेच्छा राउत, रमा थपलिया लगायत अन्य कलाकारहरुको अभिनय छ ।

‘बोक्सीको घर’ मार्फत सफलताको स्वाद लिइरहेकी अभिनेत्री तथा निर्मात्री केकी अधिकारीलाई यीत ६ तस्बिरहरुमा हेर्नुस् :

तस्बिर : उद्धव रसाइली