विराज भट्टको ‘१२ गाउँ’मा सनिशा भट्टराई अनुबन्धित
अभिनेता विराज भट्टको निर्देशनमा निर्माण हुने फिल्म ‘१२ गाउँ’ मा नव नायिकाको रुपमा मोडल सनिशा भट्टराई अनुबन्धित भएकी छन् । सोमबार फेसबुकमा एक पोस्ट मार्फत् फिल्ममा सनिशाको अभिनय रहने अभिनेता तथा निर्देशक भट्टले जानकारी दिएका हुन् ।
फिल्ममा उनको मुख्ख भूमिका रहने विराजले जनाएका छन् । छोटो समयमै म्यूजिक भिडियोमा स्थापित सनिशाले ‘ए होर माया’, ‘आँशु बनि नखस कैले नि’, ‘तिमीलाई हेर्ने बानी र्पयो’, ‘साइँली’, ‘लुम्बिनी कणर्ाली’ जस्ता दुई दर्जन बढी म्युजिक भिडियोमा काम गरिसकेकी छन् । अब ‘१२ गाउँ’बाट उनी सिनेमामा आफ्नो करिअर सुरु गर्न लागेकी हुन् ।
यही वर्ष छायांकनको तयारी गरिएको ‘१२ गाउँ’मा विराज स्वयं मुख्य भूमिकामा प्रस्तुत हुँदैछन् भने उनका छोरा समीर भट्टले सोही फिल्म मार्फत डेव्यु गर्दैछन् । यो फिल्मबाट सनिशासँगै पूर्वमिस नेपाल इन्टरनेसनल-२०२२ न्यान्सी खड्काले पनि डेब्यु गर्दैछिन् । फिल्ममा खलनायकको भूमिकामा कनिज कोइरालाको अभिनय रहनेछ ।
फिल्मको सन्तोष सरकारले कथा तथा पटकथा लेखेका हुन् । विराजले फिल्मलाई फराकिलो स्केलमा निर्माण गर्दैछन् । एक्सन प्रधान फिल्मका लागि उनले दक्षिण भारतीय फिल्मबाट द्वन्द्व निर्देशक लिएका छन् । थुप्रै तमिल फिल्ममा द्वन्द्व निर्देशक भएर काम गरेका स्टन्ट सिल्भाको सिनेमामा द्वन्द्व निर्देशनसँगै खलपात्रको भूमिका अभिनय पनि गर्ने बताइएको छ ।
