‘बोक्सीको घर’ हेरेपछि बर्षा राउतले गरिन् केकीको प्रशंसा
अभिनेत्री बर्षा राउतले फिल्म ‘बोक्सीको घर’ हेर्न सबैलाई आग्रह गरेकी छन् । सोमबार सामाजिक सञ्जालमा स्टाटस लेख्दै बर्षाले केकीको फिल्मको मुक्तकण्ठले प्रशंसा गरेकी हुन् ।
‘महिलाप्रति सामाजिक कलंक परिवर्तन गर्ने फिल्मको रूपमा इतिहासमा लेखिनेछ । यो फिल्म एक उत्कृष्ट कृति हो’ बर्षाले लेखेकी छन्, ‘सबै कलाकारको अभिनय प्रशंसा योग्य छ । तर भगवान्, केकी अधिकारीको अभिनय तपाईं साँच्चै स्टार हुनुहुन्छ । जब तपाई स्क्रिनमा आउनु हुन्छ आनन्द लाग्छ । शुपला सापकोटालाई पनि नबिर्सनुहोस्, उनको अभिनय उत्कृष्ट छ । सबै जनालाई यो फिल्म हेर्न सिफारिस गर्दछु ।’
उसो त बर्षा राउत अभिनित फिल्म ‘महाजात्रा’ले पनि बक्सअफिसमा बम्पर व्यापार गर्यो । प्रदीप भट्टराईको लेखन तथा निर्देशन रहेको फिल्म ५१ दिन मनाउने यात्रामा छ । ‘मेयर’ फिल्मको छायाँकन सकाएकी बर्षा ‘तेल भिसा’को लागि अमेरिका जाँदैछिन् ।
केकी अधिकारीको निर्माण समेत रहेको ‘बोक्सीको घर’ले बक्सअफिसमा बम्पर ओपनिङ गरेको छ । केकीको शिर्ष भूमिका रहेको फिल्मको लेखन तथा निर्देशन सुलक्षण भारतीले गरेका हुन् ।
