मल्टीस्टारर ’पुजार सार्की’को मनछुने गीत ‘रिमै’ रिलिज
मल्टीस्टारर फिल्म ’पुजार सार्की’ मा समावेश मनछुने गीत ‘रिमै’ सार्वजनिक गरिएको छ । गीतमा दिनेश राउतका शब्द र सुवास भुसालको सङ्गीत रहेको छ भने देवेन्द्र बराल र मुना ठटालको स्वर रहेको छ । गीत :
सार्वजनिक गीतमा पुजारको चरित्र निभाएका अभिनेता आर्यन सिग्देल र अभिनेत्री अञ्जना बराइली त्यसै गरी मैतबहादुरको चरित्रमा रहेका अभिनेता प्रदीप खड्का र अभिनेत्री परीक्षा लिम्बुको अन्तरजातीय प्रेम, दोधारमा परेका अभिनेता पल शाहलाई देखाइएको छ । दिनेश राउत निर्देशित फिल्म जेठ १० गतेबाट प्रदर्शनमा आउँदैछ ।
सुभाष भूषालको निर्माण रहेको फिल्मको लेखन विकास सुवेदीको छ । प्रदीप खड्का दमाहा बजाउँदै गरेको देखाइएको छ तर, उनको पूणर् परिचय भने गराइएको छैन् । पल शाहको भूमिका क्रान्तिकारी रहेको अनुमान गरिएको छ। अभिनेत्रीहरू अञ्जना बराइली र परीक्षा लिम्बुलाई ग्रामीण परिवेशका युवतीहरूको भूमिकामा प्रस्तुत गरिएको छ ।
यस फिल्ममा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि यस चलचित्रमा अभिनय रहेको छ ।
