केकीको ‘बोक्सीको घ’र बुधबार देशैभर आक्रमक
केकी अधिकारीको फिल्म ‘बोक्सीको घर’ बक्स अफिसमा बुधबार देशैभर आक्रमक रुपमा प्रस्तुत भएको छ । अन्तर्राष्ट्रिय मजदुर दिवस र कतिपय हलले दिने गरेको सहुलियतको फाइदा उठाउँदै बोक्सीको घर हेर्न हलमा दर्शक उर्लिएका हुन् ।
राजधानी तथा मोफसलका मुख्य शहरहरुमा बोक्सीको घर हेर्न बिहानैबाट हलमा दर्शकको संख्या हाउसफूल देखिएको हल सञ्चालक बताउँछन् । सुलक्षण भारती निर्देशित फिल्मले पहिलो दुई दिनमा २ करोड ३० लाख ग्रस गरेको थियो । फिल्मले पछिल्लो दुई दिन आइतबार र सोमबार ९४ लाख ग्रस व्यापार थप गर्दै चार दिनमा ३ करोड २४ लाख ग्रस व्यापार गरेको वितरकको भनाई छ । यो व्यापारमा बुधबार उछाले आउने निश्चत छ । यस्तै फिल्ममा समावेश स्याड गीत जीन्दगी समेत यसै साता सार्वजनिक गरिएको छ । गीत हेर्नुस् :
ठिक्क बजेटमा बनेको केकीको ‘बोक्सीको घर’ यो साल धेरै मुनाफ कमाउने फिल्ममा समेत पर्ने निश्चित प्रायः छ । निर्देशक भारतीकै लेखन रहेको फिल्ममा केकीसँगै सुपला सापकोटा, श्वेच्छा राउत, सोबिता गौतम, रमा थपलिया, सविन बास्तोला लगायत अन्य कलाकारहरुको अभिनय छ ।
