मिरुना स्टारर ‘मनसरा’को बुकिङ खुल्यो, मल्टिप्लेक्समा उच्च शो
यो शुक्रबार, बैशाख २१ गतबो प्रदर्शनमा आउने फिल्म ‘मनसरा’ को अग्रिम बुकिङ टिकट खुल्ला गरिएको छ । ‘जारी’ निर्देशक उपेन्द्र सुब्बा निर्देशित यो दोश्रो फिल्मले मल्टिप्लेक्समा उच्च शो संख्या पाएको छ ।
फिल्म ‘मनसरा’ को क्यूएफएक्स लगायत हलले अग्रिम बुकिङ टिकट खुल्ला गरेका हुन् । क्यूएफएक्सले देशभरका हलमा ‘मनसरा’लाई ६९ शो दिएको छ । क्यूएफएक्सले काठमाडौंमा २८ र मोफसलमा ४१ शो उपलब्ध गराएको छ ।
वान सिनेमाजले दुईवटा आउटलेटमा १२ शो उपलब्ध गराएको छ । देशकै दोस्रो ठूलो मल्टिप्लेक्स चेन आईएनआई लगायतका हलमा ग्रिम बुकिङ टिकट खुल्ला हुन बाँकी छ । बुधबार साँझसम्म देशभरका सम्पुणर् हलमा अग्रिम बुकिङ टिकट खुल्ला हुनेछ । सुरुवाती अवस्था हेर्दा फिल्मले मल्टिप्लेक्सदेखि सिंगल स्त्रिनसम्म उच्च शो पाउने देखिन्छ ।
ठूला मल्टिप्लेक्स चेनमा उच्च शो संख्या पाएको फिल्मले सुरुवाती व्यापार आक्रामक गर्ने आशा गरिएको छ । ब्रान्ड भ्यालु, स्टारकास्ट र कबड्डीको ब्रान्डका कारण पनि फिल्मले दर्शक तान्ने धेरैको अनुमान छ । फिल्मले ट्रेलरलाई रुचाइएको छ ।
उपेन्द्र सुब्बाको लेखन तथा निर्देशन रहेको सिनेमामा दयाहाङ राई, प्रविण खतिवडा, मिरुना मगर र मेनुका प्रधान मुख्य भूमिकामा छन् । सिनेमामा हेमन्त बुढाथोकी शान्ति गिरी, नेनहान राईको पनि अभिनय रहेको छ । फिल्मका निर्माता छायांकार शैलेन्द्र ध्वज कार्की हुन् ।
विष्णु कुमार लिम्बु मनोरथ पोखरेल, पर्शु अधिकारी, पिटर गुरुङ तथा जीवन लिम्बु थाक्लुङ सह-निर्माता हुन् ।
