भजन शिरोमणी भत्तराज ‘आचार्य’ को प्रिमियर

स्व.भजन शिरोमणी भक्तराज आचार्यको जीवनीमा बनेको फिल्म ‘आचार्य’को बुधबार प्रिमियर शो आयोजना गरिएको छ । प्रिमियरमा संगीतकर्मीको बाक्लो उपस्थिति थियो ।

‘आचार्य’को प्रिमियर शोमा सत्य स्वरुपको परिवार सहित संगीतकार शम्भुजित बाँस्कोटा सहित गायिका स्मिता दाहालसम्म उपस्थित थियो । साथमा सुगम पोखरेल, नविन के भट्टराई, प्राश्ना शाक्य, पुष्पन प्रधान, धर्मेन्द्र सेवन, सुरेश अधिकारी, चेतन सापकोटा, भूपेन्द्र खड्का लगायत अन्य संगीत सर्जकको प्रिमियरमा बाक्लो उपस्थिति थियो । यस्तै राजनीति तर्फ विश्व प्रकाश शर्मा, शोबिता गौतम लगायतले प्रिमियरमा आचार्य हेरे ।

प्रशान्त रसाइली निर्देशित फिल्ममा सत्यराज आयार्चले शिर्ष भूमिका निर्वाह गरेका छन् । सत्यराज स्व.आचार्यका जेठा छोरा हुन् । फिल्मको छायाँकन शैलेन्द्र डि.कार्कीले गरेका हुन् । आचार्यमा हालका चल्तीका अभिनेताहरु सौगात मल्ल, दयाहाङ राई र बिपिन कार्की समेतले छोटो भूमिकामा अभिनय गरेका छन् ।

आचार्य फिल्म यो शुक्रबार, असार ७ गतेबाट प्रदर्शनमा आउँदैछ । राष्ट्र गायकको रुपमा समेत परिचित भक्तराज आचार्यको जीवनीमा बनेको आचार्य फिल्म पन्ध्र वर्षपछि पुनः प्रदर्शन गर्न लागिइएको हो । Acharya Trailer :