प्रियंका कार्की ‘माइली’ बन्दै
अभिनेत्री प्रियंका कार्की नयाँ फिल्म ‘माइली’ मा अनुबन्धित भएकी छन् । बाबू साहेब बलामीको कन्सेप्ट र निर्देशन रहने फिल्म रुना इन्टरटेन्ट्मेन्टको ब्यानरमा बन्दैछ ।
फिल्म युनिटले शुक्रबार माइल मार्फत प्रियंकाको पहिलो झलक समेत सार्वजनिक गरेको । सार्वजनिक पोस्टरमा प्रियंकालाई ग्रामिण महिलाको चरित्रमा देखाइएको छ । सत्य घटनामा आधारित हुने भनिएको फिल्ममा महिलाको पीडा देखाइने निर्देशक बलामीको भनाइ छ । ‘दलित महिलाको श्रीमान नभएपछि समाजले ऊमाथि कस्तो दृष्टि लगाउछ ? उसका स-साना नाबलक छोरी हुर्काउन कति कठिन हुन्छ ? यहि समाज जातियताको आडमा कसरी प्रताडित गर्छ भन्ने कथा फिल्ममा देखाइनेछ’, निर्देशक बलामी भन्छन् ।
असारको अन्तिमबाट छायांकन गरिने फिल्म मकवानपुरको वीरखर्ग, कुलेखानी, काठमाडौं र दुबईमा खिचिनेछ । फिल्ममा शंकर अधिकारी ‘घायल’को गीत र पटकथा, सम्बाद तथा राजेन्द्र बजगाइको संगीत रहनेछ ।
