नयाँ फिल्म : सुरक्षा र निमेषको ‘लाइफ ड्यामेज’
फिल्म ‘लाइफ ड्यामेज’को शुक्रबार मुहुर्त गरिएको छ । केही वर्षयता कन्टेन्ट क्रियटरको रूपमा चिनिएका निमेष श्रेष्ठले यो फिल्मलाई निर्देशन गर्दैछन् । फिल्म ‘फेन्टासी कमेडी ड्रामा’ श्रेणीमा बन्नेछ ।
फिल्मको विषयबारे बोल्दै निर्देशक श्रेष्ठले भने, “अर्काको जुत्तामा उभिँदा वा अरूको जीवन बाँच्दा हुने अनुभव कस्तो हुन्छ भनेर हामीले यस फिल्ममा देखाउन खोजेका छौँ ।” अभिनेत्री सुरक्षा पन्तसँग निमेष आफै स्क्रिन शेयर गर्दैछन् । फन रिभोलुसन इन्टरटेनमेन्टको ब्यानरमा बन्ने यस फिल्ममा सुरक्षा, निमेषसँगै ईशा थापा, सञ्जना महर्जन, अमोघ अर्याल, अनीश जङ्ग थापा, अजय पन्त, निरू खड्का लगायतको अभिनय रहनेछ । यसै वर्ष रिलिज लक्ष्य राखिएको फिल्मलाई निमेष श्रेष्ठ र ईशा थापाले लेखेका हुन् ।
यसमा प्रवीण खड्काको डिओपी, निमा श्रेष्ठको सम्पादन, अभिषेक खरेलको प्रोडक्सन डिजाइन, जेनिश शाक्यको प्रोडक्सन व्यवस्थापन, आयुष महर्जनको कला निर्देशन, वर्षा श्रेष्ठको मेकअप, दीपेश चौधरीको कलर ग्रेडिङ, उत्साह श्रेष्ठको कस्ट्युम डिजाइन तथा आशिष सापकोटाको ग्राफिक्स र फाइनान्स रहनेछ ।