अरुण क्षेत्री ‘हन्टर’ बन्दै
फिल्म ‘हन्टर’ निर्माणको घोषणा गरिएको छ । फिल्ममा शिर्ष भूमिकामा अभिनेता अरुण क्षेत्री अनुबन्धित भएका छन् । अन्क कास्ट भने सार्वजनिक गरिएको छैन ।
फिल्म ‘हन्टर’ लाई जीवन सिंहले निर्देशन गर्नेछन् । उनको यो डेब्यु निर्देशकिय फिल्म हुनेछ । क्याच कुक इन्टरटेनमेन्ट प्रालिको प्रस्तुतिमा निर्माण हुने फिल्मले सुदूरपश्चिमको कथा भन्ने निर्माण पक्षले जनाएको छ ।
फिल्म एक्सन इन्टरटेनर हुने निर्देशक सिंहले बताएका छन् । “फिल्म हन्टर रियल पात्रको कथाबाट इन्स्पायर हो । तर हामी सिनेम्याटिक लिवर्टी लिएर कथा भन्ने छौँ,” उनले भने, “रियल पात्रको कथामा फिक्सन मिसाइनेछ । जसले सिनेमालाई रोचक र रमाइलो बनाउनेछ ।”
फिल्ममा पिक एजुकेसन नेटवर्क र ट्राइडेन्ट कन्सेप्टको सहकार्य रहनेछ । फिल्मको प्रि-प्रोडक्सनको कार्य चलिरहेको छ । फिल्मको सबै जसो छायांकन पश्चिम नेपालमा हुनेछ ।
